واحدات وأصفار 
8 تعليقات غزة … تخبيص وشوية حكي فاضي !
سأتلو بعضاً من تخبيصي عليكم مع بعض الأفكار الغوغائية التي تردني بين الحين والآخر …. 
- أحزنني كثيراً ذاك الشاب الذي تحدث للإعلام عن وفاة والديه وزوجته وابنه الصغير وأولاد عمومته … لم يبق سواه حياً
انو ما كان يعرف ولا فلسطيني يقوصو ويريحو … يلعن أبو هالعيشة مشان شو بدو يعيش ومشان مين ! 
- عائلة أخرى استشهدت بكاملها … وأحزان الجيران للإعلام….!!
لك نيالهم شو بدهم أحسن من هيك موتة ::54:: ، خلوا الجماعة يموتوا بهدوء حلوا عنهم بكفي هنن وعايشين هلكتون …….!
- شاهدت على التلفاز بعض الشرح عن مياه الصرف الصحي في غزة وكيف تحول إلى خارج المدينة حيث يوجد ما يشبه السدود بحيث تبقى بعيدة وبعيدة جداً عن غزة المدينة وعن أهلها …. شي حضاري والله
عنا باللادئية أكثر حضارة ، باختصار توجيه المجاري نحو البحر و و و … حدا شاف شي !؟ حدا سمع شي!؟
لسا بيسألو ليش ما عنا بالبحر سمك وليش بتصير حالات تسمم …..! 
- أحب أن أتخيل نفسي للحظة بموقع مسؤول ما …! 
خبروه للسفير المصري يا بينقلع من هون خلال ساعتين ، أو بتجيبولي ياه اشنقو …….(أنا مجرم حدا أخو مراقي)! 
- كتر الحكي كتير ولوووووووووووه 
قررت افتح دكان بيع فيها غزة …. قصدي تاجر فيها بغزة …. لاء ولو عم خربط ، الكلمة على راس لساني ثواني بس …….!
…………. ادعم فيها غزة !
طبعاً رح حط زينة كتير أسود وأحمر وصورة لحماس من فوق وعند الدرج صورة ولد عم يموت …….
أكيد بالاحمر العريض SOLD وشوية نجوم وقلوب … بيطلع كتير حلو 
آسف … بعرف انو كتار كتير صادقين بس كتار كتير بالمقابل …..
- عجبوني بالجزائر ( يمكن هيك سمعت بالاخبار ) تحصلوا على موافقة أمنية للتظاهر لأجل غزة …… 
اي شو بدنا بالحكي يا هيك التنظيم يا بلا ، فشرت أوروبا والله
شوفوا الشعب العربي شو منظم … مع دقة الساعة قصدي مع خربشة القلم بيتحرك !
بس ما يوقعوا عالإعدام بحق غزة بالغلط …..! 
- بصراحة أنا متفاجىء من التعاطف الشعبي العربي مع الفلسطينين وغزة ، لم أتوقع أن القضية تعني لهم الكثير ….أفرحني هذا! 
أعتقد أن الكثير قد ارتأى في قضية غزة وأهلها قضيته بشكل أو بآخر
فبدل من الصراخ ( طعمونا خبز …!) استبدلوها بشعار مقبول سياسياً (افتحوا معبر رفح!)
لا أشكك بنزاهتهم لكني أجد أن المعاناة تجمع الكثيرين في ذات الصندوق 
- مرة بعد أخرى تتحدث الوكالات والأشخاص (سوريا -سوريا-سوريا) البعض من يتهجم والبعض من ينتقد والآخر يتفزلك على طريقته 
سوريا التي أحب أشرف منكم جميعاً ، نحن من دعمنا مقاومة لبنان ونحن من دعمنا الفصائل الفلسطينية ونحن من دفعنا ودفعنا لأجل القضية …..
كنا لنكون الدولة الأولى اقتصادياً في المنطقة لو بعنا قضيتنا كما غيرنا باعوا قضيتهم
نحن أقوى الجميع في المنطقة برغم أنف الجميع ولو نكسنا أعلامنا لوجدتم الأردن ومصر في أحقر حال (اي اي في حال أحقر من هيك كمان ورح يجيهم يوم!)
لكننا ندفع ضريبة الشرف والعزة ضريبة الحق الذي لن نتخلى عنه يوماً
لا تطلبوا من سوريا الحرب فليس من حقكم الكلام يا عرب ، أنتم تعرفون حق المعرفة أنه إذا ما وقعت الواقعة فنحن أكثر من لها 
- محامون مصريون يهرجون ويطلبون إحالة الشرف (حسن نصر الله) للقضاء ….!
روحوا لعبوا بعيد ولاك …. منك لـ الو ! 
- فزلكات مصرية ( كترت عمصر بهالتدوينة !!) نشاهدها بين تارة وأخرى وكذب ليس بعده كذب …!
متوقعين حدا يصدقهم مثلاً …!!؟؟
- صواريخ … ! قصفوا إسرائيل …! أيقظتني أختي الصغيرة من النوم !!!!
نهضت مسرعاً لأتفرج ( شغلتنا نتفرج ونصفق )
صواريخ كاتيوشا …… 
هلأ جماعة المستقبل مو ناويين يحلوا عن حزب الله …!!!
اي ما رح يستفيدوا اسرائيل ما رح تسترجي تعلق مع حزب الله… هه
- جينا عمجلس المدري شو بسموه قال أمن قال …!
هلأ دخيل الله شو استفدنا منو لهلأ … من لما صرنا بأمم المدري شو (المتحدة) ما شفنا شي وما عملنا شي وما خلونا نحكي شي
بضلوا بسكتونا ….. 
- قمة عربية … !
ما رح احكي شي بس شوفوا رأي مظفر النواب بالموضوع !
شكلو كتير مقهور ما …..!؟ 
- انهض للثورة والثار - مارسيل خليفة
شو بدنا بالحكي أغنية مارسيل أحسن من كل هاللعي
يمكن عندي لسا حكي بس زودتا …
وسامحونا
بدي استورد كم الف طون قماش وتاجر فيهون هالايام , بتعرف زمن مسيرات (مظاهرات) وشغل القماش ماشي منشان لافتات واعلام واللذي منو ..
كمان كم الف طون ورق واحبار وتلوين ومنشان جماعة الاعلان ولحق شغل على طباعة لافتات, شعارات و صور زعما .. الخ ..
تجارة مربحة صدقوني .. والدنيا فرص..
ربيع
بجد وبصراحة
وبصراحة
حلوة هالتدوينة
يا زلمة اهل غزة كمان ملهمين ..ما هيك ..
اي صحيح
معك ميزانية منشان الشموع , يعني مو بس قطع كهربا ,ومسيرات كمان .. خيو شاركني وبوعدك القرش بحوتين ..والنصر لقضية شعبنا ..
يريت طولت الحكي اكتر لانو بيفش الغليل
ولك يا ربيع اذا بدك بنعمل جمعية مو جمعية متجر ونبيع فيه رايات المزركشة بدماء وشعارات
وهيك نكون ضربنا عصفوريين بحجر واحد يعني بالمقابل نجني اموال ومن جهة ثانية نساهم في تحرير غزة ودحض اليهود
***كل الكلام يلي كتبتو معكوس *****
ليكن في علم جميع حاملي لافتات ومتجولين طرقات ليلا نهار تحت شمس وتحت الشمع وصارخين باعلى صوت نحن مع غزة انتم تضيعون وقتكم ** ببلاش ** احسن شيئ اذهبو للمساجد وصلو ركعتيين ودعو
او البسو ملابسكم الجهادية واحملو رشاشتكم وتوجهو نحو غزة هذا في حالة ما نمت شجاعتكم *** مع انو بعرف انو بخبس انا ***
تعرف ياخي ربيع انو عندنا اسبوع مدرسناش في الجامعة وطلاب في شوارع بستثناء انا
تحياتي لك اخي ربيع
عن جد حطيت إيدك عل الجرح
شي بيشفي الغل
جماعة المستقبل وجماعة مصر صايرين بيضحكو كتير
مارسيل خليفة يقبرني ربو شو بحبو
دخلك أستاز ربيه محروق قلبي لإقرا التدوينات المحميين إلي كتبتهن عن جد شو فيهن
أحمد :
*******
شو شارك ما شارك هي حقوق الفكرة الي ، اذا بدك بوقفك عالباب حارس أو بشغلك محاسب …
عالكمبيوتر ها …. مو ورقة وقلم لا تزعل ………
مشان الشموع جبتا …. منعملو كافتيريا عالسهرة ولحق عرومنسيات …. ومصاري
وأحلى ديناصور من يلي ببالك إلك…… بس اقبض الحيتان !
ألهمتني على ديناصور بروستد هلأ
أمينة :
*******
كنت طولت أكتر بس خليها على حلقات أحلى بالأخص انو كتبتا على عجل
عندي 3 امتحانات ورا بعض وما درست شي
بخصوص مشروعك أنا موافق النا 10% الك 5 والي 5 والباقي لغزة وأهلها ، نحنا أحسن من بعض العالم ….
- لا لا ما عم تخبصي معك حق بكل كلمة حكيتيها وحتى لو كنا نحنا على خطأ وعم نخبص ما حدا دخلو فينا ….
بالمناسبة أمينة رفقاتي بالجامعة الكل عم يدرسوا إلا أنا مشغول بموضوع غزة
والشوارع فاضية !
تحياتي لك
أيهم :
*********
بعتلك كلمة المرور …..
أهلا وسهلا فيك ………
وأنا لدي بعض التخبيصات والحكي
(…. وأساس المبادرة المصرية هدنة مع إنهاء تهريب السلاح عبر الحدود ودعوة الفصائل لمحادثات مصالحة)
منع تهريب السلاح يعني بكرة بعد شهر بتقدر إسرائيل تكسر هالهدنة وتضرب غزة بلا ما يلاقي أهل غزة سلاح يدافعو فيو عن نفسن، ما كنت متوقع غير هيك من شركاء اسرائيل بالعدوان
(قذف العشرات من الناشطين السياسيين بالأردن سفارة فنزويلا بالورود)
والسفارة الإسرائيلية!!!
(الصحف الإسرائيلية: وقف إطلاق النار بغزة.. ثم ماذا؟)
سألت ابن عمي اللي عمرو 12 سنة وعرف الجواب
اااااااااااااااااااااااااااااااااااااااااخ يا ربيع كلامك شو بفش الغل والقهر خيي ربيع خليك عم تكتب وياريت تعملون حلقات متل شي مسلسل تركي يعني شي 370 حلقة
االدراسة ,انا متأكدة اني رح احملي شي عشرين مادة لأنو كل الناس كانو عم يدرسوا الا انا كنت اسمع مارسيل وابكي واكتب قصائد وحكي وبعدين امسك كل اللي كتبتو ومزعو لانو ع الفاضي لا بودي ولا بجيب بس شو بدنا نعمل غصبن عنا بدنا نعيش ونصيحة لا تطلعو مظاهرات ولا اعتصامات ع الفاضي اسمعو مارسيل وحولو قهركن لشي يمكن يكون افضل.
”
لم يعرفوني في الظلال اللتي تمتص لوني في جواز السفر
وكان جرحي عندهم معرضا لسائح يعشق جمع الصور
لا تتركي كفي بلا شمس لأن الشجر يعرفني تعرفني كل اغاني المطر
لا تتركيني شاحبا كالقمر كل العاصفير التي لحقت كفي على باب المطار البعيد
كل حقول القمح كل السجون كل الفبور البيض كل الحقول كل المناديل التي لوحت كل العيون كانت معي لاكنهم قد اسقطوها من جواز السفر..