على 
على 
على 
وأنا وأنا وأنا … بدي اعمل حملة !
يناير 9th, 2009 بواسطةربيع
شو مشان الكل نازلين سفق رقع بهالحملات ، كل 3-4 عملوا حملة وراحوا عالغزو ….. 
حكيات مفشكلين شوي :
وقاد حملة خربش مرة واربح خربشتين المسلم لأمره وأمر غيره ابن عبيد الله الحكواتي حيث خربش على ورقات المحاضرات ثم أوراق الصندويش … ولم ينس أكل الفلافل بل وأكل الورقات أيضاً!
لكنه اكتشف على حين فجأة منه انو الورقة ما بتساع معو راح يكتب عالحيط … ولما خلص الحيط وتلقى تهديد انو يشحطوه هوة والحيط
( عم يسبب أضرار بالأملاك العامة ومدري شو …..)
قرر ينفد بريشاتو ويعمل الحملة عالانترنت ….. وهكذا بدأ الغزو التدويني للقضايا واللاقضايا
بحملات أرهقت حاملي الحملات والمحمول عليهم هذا الحمل … وكل واحد فهمو عقدو … !
خلصوا الحكيات ….. 
مشان حملتي يا أخوووي ويا اختيييي (باللادآني) يا خيييييييي ويا خيتيييييي (بالطرطوسي)
هادا أنا وأعوذ بالله من الأنا قررت اجمع تبرعات ، تبرعات مو مشان شي بس مشان الحكي ، ((يأنو ))(يأنو : كلمة فصيحة استنتجها دكتورنا بالجامعة بعد دراسات لسنوات في مادة الرياضيات والإحصاء اليأنواتي) الحكي ما عاد ببلاش متل الأول !!؟
ما علينا هاد يا صحاب كل واحد بيتبرع بدولار بيربح 3 سطور ملونين بالأحمر والأسود
ويلي بيدفع أكتر بيربح كلمة ملونة بترقص ( هي من تبعون الجيف يلي بيتحرك)
تبرعوووواااااا
تبررررررعووووواااااا
تبرررررررررر ……….
والنصر لقضية شعبنا ! . 
جدياً : أدعوكم لقليل قليل فقط من التنظيم … يعني ليش حتى أنا اعمل حملة وفلان يعمل حملة وفلانة حملة
ليش ما اتنازل وانضم لفلان أو فلانة ! طبعاً يعني توحيد الكتابة بعيداً عن مفهوم الحملات .
الشغلة مانها شطارة …….
بحال كنتم كمجموع فأنا معكم ، وغير هذا فلي ما أدعي ولكم ما تدعون .
رح اعتبر حملتي توحيد الحملات ، إذا وفقط إذا ……. كان في حملات فعلاً ……!
لك عن جد حاسس حالي بمفهوم الحملات داخل على حرب ……
وسامحونا 
ياسيدي ما حدا أحسن من حدا :)
ياسيدي كلامك فيو وجهة نظر، يعني مسألة تعدد الحملات فيها نقطة سلبية بس بنفس الوقت فيها نقطة إيجابية
يعني قصة كل مين حملتو إلو، فيها مشكلة متل ما قلت كل 3-4 عملو وحملة وراحو غزو، هادا الشي بشتت الجهد وبنزل من جودة العمل.
بس من ناحية تانية، لازم كل فكرة تاخد فرصتها وتطلع من راس صاحبها وتجرب حالها على الأرض، ما بتعرف بجوز فكرة تكون كتير بسيطة وما بتعبي العين تضرب وتعمل شي على الأرض وتساهم، ووقتها رح تلاقي كل واحد شايف انو حملتو ما نجحت بينضم للحملة يلي نجحت (هي اذا نجح شي :) )
طبعا مطلوب توحيد الحملات جميعها
لكن ربيع لاتستهين بالحملات لأن الشارع قوة ضغط دائما يعني لو كان في عرب حقيقين بشرفم 15 يوم مقاطعة للمنتجات المصرية والأمركية والغربية
15 يوم اعتصام أمام السفارات بالخارج والسفارات الغربية
حملات انترنت مكثفة لنشر صور الأطفال القتلى للعالم كله
بيعملو ضغط ما عبقلك بيخلو اسرائيل تستسلم بس بيعملو ضغط
لاتستهين بالحملات لأنو لو كان الانترنت شغلة بسيطة ليش دخلك الحكومات بتجيب أجهزة بالملايين لحجب وفلترة الانترنت ؟ ليش بتنحجب المواقع الاجتماعية متل الفيس بوك ؟
ليش المدونات كلها محجوبة بسوريا ومابقي غير الورد برس ويمكن جاي دورو قريبا ؟
الإعلام يوم صار دورو كبير ولاتفكر إنو الحملات الصغيرة مابتجيب نتيجة بس كلامك كمان منطقي إنو لازم يكون في تنسيق أكثر وفي حملة مركزية كبيرة بتتفرع منها كل الحملات الصغيرة أ, بتجمع وبترتبط فيها كل الحملات الصغيرة
وملاحظة كمان نحنا ما عم نقول حملات حكي حكي حكي لا بنا شي ملموس أكثر
يعني حملات للمقاطعة بتخبرنا كل المنتجات إلي لازم نقاطعها
حملات للصور فيها صور الأطفال والشهداء مجموعات من ألوف ألوف الإيميلات الأجنبية لحتى نبعت الموقع والصور للعالم إلي بالغرب ليشوف بس
حملات لدعوات التجمع والاعتصامات
حملات التبرع
حملات لنقل الخبر الصحيح للعرب والخارج
لاحظ تماما أن القضية لازم تخدم إعلاميا كمان أنا معك لازم يكون في تنسيق أكثر وبدوري بتمنى حملتك تجمع كل الحملات سوا للتنسيق فيما بينها وبشكل متواصل مو بس لما بتصير الحرب بس كمان بشكل متواصل
ملاحظة : تخيل برأيك لو كانت الحرب الآن ونحنا عبنكتب غير أمور مثلا عبنحط صور هيفا وهبي ونحمل أغني دومينيك برأيك مو شي مهين للكرامة نكون عبننقتل ومو فارقة معنا وحكوماتنا مو فعالة ياأخي خلينا نجرب نعبر عن غضبنا ونجرب نقوم بشي نجرب نتحرك نجرب نحس ولو حتى عبر الانترنت
ayham jazzan & Free Man
أهلاً بمروركما
قد خسرنا إعلامياً وبجدارة